Լեհաստանը կարող է Ուկրաինային փոխանցել վեցից ութ ՄիԳ-29 կործանիչներ, որոնք Լեհաստանի ռազմաօդային ուժերը կհանեն շահագործումից մինչև դեկտեմբերի վերջ։ Այս մասին TVN24-ին տված հարցազրույցում հայտարարել է պաշտպանության փոխնախարար Չեզարի Տոմչիկը։
«Լեհաստանը քննարկում է մի քանի ՄիԳ-29 ինքնաթիռներ Ուկրաինային փոխանցելու հնարավորությունը, որոնք նախատեսված է դուրս բերել լեհական ռազմաօդային ուժերից մինչև տարեվերջ», - ասել է նա՝ հավելելով, որ «խոսքը 6-8 ինքնաթիռի մասին է»։
Տոմչիկն ընդգծել է, որ այդքան շատ ինքնաթիռների Ուկրաինային փոխանցումը չի ազդի Լեհաստանի ռազմաօդային ուժերի գործառնական կարողությունների վրա։
Դեկտեմբերի 10-ին Լեհաստանի բանակի գլխավոր շտաբը հայտարարեց ուկրաինական հրթիռային տեխնոլոգիաների դիմաց Ուկրաինային պիտանելիության ժամկետն ավարտած ՄիԳ-29-ներ փոխանցելու հնարավորության մասին: Այդ ժամանակ Ուկրաինա փոխանցման համար հասանելի ՄիԳ-29-ների քանակը չէր բացահայտվում:
