Իսրայելի ռազմաօդային ուժերի կործանիչները հարվածներ են հասցրել Լիբանանի հարավում և Բեքաա հովտի արևմտյան մասում գտնվող շիական «Հեզբոլլահ» կազմակերպության ենթադրյալ ռազմական թիրախներին, հաղորդում է «Ալ Ջադիդ»-ը։
Դրա հաղորդմամբ՝ ինտենսիվ հրթիռային հարվածներ են հասցվել Ջաբալ ալ-Ռաֆիի լեռնային շրջանին, Ռեյհանիի բարձունքներին և Վադի Ռումին կիրճին, որտեղ գտնվում են շիա զինյալների մարզական ճամբարները: Ընդհանուր առմամբ, իրականացվել է առնվազն 10 ավիահարված:
Ականատեսների վկայությամբ՝ հզոր պայթյուններ են տեղի ունեցել Սաիդա քաղաքի արվարձաններում (Բեյրութից 50 կմ հեռավորության վրա) և Անսար, Բեյսարիե, Ջբաա, Սուջուդ և Տաբա գյուղերում, ինչպես նաև Արևմտյան Բեքաայի Զելայա թաղամասում։ Զոհերի և վիրավորների մասին տեղեկություններ չկան։
