ԱՄՆ նախագահ Դոնալդ Թրամփի՝ Գազայի հատվածի վերաբերյալ խաղաղության ծրագիրը չի նախատեսում պաղեստինյան հարցի վերջնական լուծում, իրավիճակ, որը «լավատեսություն չի ներշնչում», հայտարարել է Ռուսաստանի արտաքին գործերի նախարար Սերգեյ Լավրովը։
«Մենք ողջունեցինք նախագահ Թրամփի կողմից ձեռնարկված գործողությունները, և ամենակարևորը՝ որ նրա նախաձեռնության առաջին փուլի արդյունքում մարդիկ՝ պատանդները, ազատ արձակվեցին, դիակները վերադարձվեցին, որպեսզի դրանք կարողանան թաղվել կրոնական ավանդույթների համաձայն։
Բայց հիմա մենք բոլորս սպասում ենք երկրորդ փուլի մեկնարկին, և այն փաստը, որ ծրագիրը, չնայած իր մարդասիրական ուղղվածությանը, չի նախատեսում պաղեստինյան հարցի վերջնական, կայուն լուծում՝ համաձայն ՄԱԿ-ի բանաձևերի, անշուշտ խրախուսելի չէ», - նշել է նախարարը Ուկրաինայի կարգավորման թեմայով դեսպանատան կլոր սեղանի ժամանակ։
Հոկտեմբերի 9-ին Իսրայելը և արմատական պաղեստինյան «Համաս» շարժումը՝ Եգիպտոսի, Կատարի, ԱՄՆ-ի և Թուրքիայի միջնորդությամբ, համաձայնության եկան իրականացնել Թրամփի կողմից ներկայացված խաղաղության ծրագրի առաջին փուլը։
