Իրանն ի վիճակի է էապես խաթարել Իսրայելի ռազմական ներուժը և նրան ավելի ուժեղ հարված հասցնել հոկտեմբերի 1-ի հարձակման համեմատ։ Այս մասին հայտարարել է Իսլամական Հանրապետության նախագահ Մասուդ Փեզեշքիանը։
«Մենք պետք է Իսրայելին ցույց տանք իր տեղը: Եթե Սիոնիստական ռեժիմը (նկատի ունի Իսրայելը) ցանկանում է խաթարել մեր անվտանգությունը, մենք նույնպես ունակ ենք վնասելու նրանց անվտանգությունը, և նրանք կստանան ավելի հզոր պատասխան, քան նախկինում էր»,-ասել է նա։
Հեռարձակումն իրականացրել է Իրանի պետական հեռուստառադիոընկերությունը։
«ԱՄՆ-ը երբեք չի կարողանա ստիպել մեզ զիջել մեր դիրքերը»,- հավելել է Իրանի նախագահը։
