ԱՄՆ-ի և Թուրքիայի նախագահներ Դոնալդ Թրամփը և Ռեջեփ Թայիփ Էրդողանը «տասնամյակի ամենաարդյունավետ բանակցություններն» են անցկացնում Անկարայի F-35 կործանիչների ծրագրին հնարավոր վերադարձի վերաբերյալ, հայտարարել է Թուրքիայում ԱՄՆ դեսպան և Սիրիայի հարցով նախագահի հատուկ դեսպան Թոմ Բարաքը։
«Միացյալ Նահանգները բանակցություններ է վարում Թուրքիայի հետ՝ F-35 ծրագրին նրա հնարավոր վերադարձի և ռուսական S-400 հակաօդային պաշտպանության հրթիռային համակարգի տիրապետման վերաբերյալ։ ԱՄՆ օրենսդրության համաձայն՝ Թուրքիան պետք է հրաժարվի S-400 համակարգի նկատմամբ իր վերահսկողությունից և սեփականությունից՝ F-35 ծրագրին իր մասնակցությունը վերսկսելու համար։
Նախագահ Թրամփի և նախագահ Էրդողանի միջև դրական հարաբերությունները ստեղծել են համագործակցության նոր մթնոլորտ, որի ընթացքում վերջին տասնամյակում այս թեմայի շուրջ ամենաարդյունավետ քննարկումներն են եղել։
«Մենք հույս ունենք, որ առաջիկա ամիսներին այս բանակցությունները կհանգեցնեն բեկումնային լուծման, որը կբավարարի և՛ Միացյալ Նահանգների, և՛ Թուրքիայի անվտանգության շահերը», - գրել է նա X սոցիալական ցանցում։
