Երկու երկրների իշխանությունների տվյալներով՝ մոտ 530,000 մարդ լքել է իրենց տները Կամբոջայի և Թաիլանդի սահմանամերձ շրջաններում՝ երկրների միջև սրվող հակամարտության պատճառով։
Կամբոջայի ազգային պաշտպանության նախարարության տվյալներով՝ դեկտեմբերի 10-ի դրությամբ վեց նահանգներում իրենց տները լքել էր 37,100 ընտանիք կամ 127,100 մարդ։ Հրետակոծության հետևանքով զոհվել է յոթ քաղաքացիական անձ։
Ինչպես հաղորդում է The Nation թերթը, դեկտեմբերի 8-ի դրությամբ թաիլանդական զինվորականները հայտնել են երկրի սահմանամերձ նահանգներից ավելի քան 400,000 բնակիչների տարհանման մասին։
Թաիլանդի և Կամբոջայի սահմանին թեթև զենքի բախումները սկսվել են դեկտեմբերի 7-ին։
