Հայաստանը նոր հաջողություն է գրանցել համաշխարհային հյուրընկալության ասպարեզում։
Դեկտեմբերի 6-ին Բահրեյնում տեղի ունեցած World Travel Awards մրցանակաբաշխության ընթացքում Երևանի Seven Visions Resort & Places, The Dvin ռեզորթը հաղթեց միանգամից հինգ անվանակարգում՝ դառնալով Եվրոպայի և տարածաշրջանի առաջատար շքեղ հանգստավայրերից մեկը։
Ռեզորթը ճանաչվել է որպես 2025 թվականի՝
• Եվրոպայի առաջատար ժամանցային հյուրանոց,
• Հայաստանի առաջատար կոնֆերանսային հյուրանոց,
• Հայաստանի առաջատար հյուրանոց,
• «Հայրիկ» ռեստորանը հայաստանի լավագույն հյուրանոցային ռեստորան
• Աշխարհի առաջատար հյուրանոցային սննդի և ժամանցային փորձառություն։
Այսպիսով, Seven Visions Resort & Places, The Dvin-ը ներկայում ունի ավելի քան 15 միջազգային տիտղոս և համարվում է Հայաստանը ներկայացնող ամենաշքեղ հանգստավայրերից մեկը։
Երևանի կենտրոնում գտնվող այս համալիրը մարմնավորում է ժամանակակից շքեղության և հայկական մշակութային ժառանգության ներդաշնակ միավորումը։ Այստեղ հյուրընկալվել են բազմաթիվ աշխարհահռչակ հյուրեր՝ Կրիշտիանո Ռոնալդու, Ջենիֆեր Լոպես, Ջեյսոն Դերուլո, Ֆրանսիայի նախագահ Էմանուել Մակրոն, ինչպես նաև անցկացվել են խոշոր միջազգային միջոցառումներ, այդ թվում՝ Եվրոպական Վերակառուցման և Զարգացման Բանկի (ԵՎԶԲ) 2024 թվականի տարեկան ժողովն ու գործարար ֆորումը, ինչպես նաև 17-րդ Միջազգային Ֆրանկոֆոնիայի գագաթնաժողովը։
Մրցանակների պաշտոնական հանձնման արարողությունը տեղի կունենա դեկտեմբերի 11-ին՝ Երևանի One & Only Theatre–ում։
