Թաիլանդի զինված ուժերը կշարունակեն ռազմական գործողությունները մինչև Կամբոջան չփոխի իր դիրքորոշումը, երեքշաբթի օրը ճեպազրույցի ժամանակ հայտարարել է Թաիլանդի զինված ուժերի խոսնակ Սուրասան Խոնգսիրին։
Թաիլանդի և Կամբոջայի սահմանային գոտիներում մարտերը սրվեցին անցյալ շաբաթավերջին և շարունակվեցին երեքշաբթի օրը։ Երկու կողմերն էլ միմյանց մեղադրում էին հրադադարի խախտման մեջ, և Թաիլանդի ռազմաօդային ուժերը սկսեցին ավիահարվածներ։
Երեքշաբթի օրը ավելի վաղ կամբոջական լրատվամիջոցները հայտնել էին, որ ծանր մարտերը շարունակվում են Թաիլանդ-Կամբոջա սահմանի երկայնքով։
Վերջին տվյալների համաձայն՝ Կամբոջայի սահմանային նահանգների վրա թաիլանդական զորքերի հարձակումների պատճառով իրենց տներից լքել է ավելի քան 54,500 մարդ։ Թաիլանդում ընդհանուր առմամբ տարհանվել է 400,000 բնակիչ, որոնցից 125,000-ը գտնվում են սահմանային նահանգների ժամանակավոր բնակության կենտրոններում։
