Ռուսաստանի նախագահ Վլադիմիր Պուտինը այս շաբաթ չի պլանավորում հանդիպում Իրանի արտգործնախարար Աբբաս Արաղչիի հետ։ Նախագահի ապագա հանդիպումների ժամանակացույցը դեռևս վերջնականապես որոշվում է, հայտարարել է Ռուսաստանի նախագահի մամուլի քարտուղար Դմիտրի Պեսկովը։
Ավելի վաղ Իրանի արտաքին գործերի նախարարության խոսնակ Էսմայիլ Բաղային հայտնել էր, որ Իրանի արտաքին գործերի նախարար Աբբաս Արաղչին շուտով կայցելի Ռուսաստան և Բելառուս և կհանդիպի երկու երկրների բարձրաստիճան պաշտոնյաների հետ։
«Կարող եմ ասել հետևյալը. այս շաբաթ նման ծրագրեր չկան, և նման հնարավորություն չկա։ Ժամանակացույցը դեռևս կազմվում է», - լրագրողներին ասել է Պեսկովը՝ պատասխանելով «ՌԻԱ Նովոստի»-ի հարցին։
