Չինաստանի Գուանչժոու քաղաքում սկսվել է խելացի թռչող մեքենաների արտադրության բազայի կառուցումը։ Այս մասին հայտնում է «Սինհուա» գործակալությունը։
Շինարարությունն իրականացնում է Xpeng ընկերությունը։ Գործարանը օդային մոդուլ կարտադրի «Ցամաքային ավիակիր» թռչող մեքենայի համար։ Ենթադրվում է, որ արտադրական հզորությունը կկազմի տարեկան 10 հազար միավոր, ասվում է հրապարակման մեջ։
Xpeng-ի հիմնադիրը պնդել է, որ մեքենան իր առաջին թռիչքն իրականացրել է այս տարվա սեպտեմբերին։ Թռչող մեքենայի նախավաճառքը կսկսվի 2024 թվականի վերջին։
