Չեմպիոնների լիգայի լիգայի փուլի 4-րդ տուրում գրանցվեցին հետաքրքիր արդյունքներ։ Լոնդոնի «Չելսին» Բաքվում կայացած հանդիպման ժամանակ 2։2 հաշվով ոչ-ոքի խաղաց տեղի «Քարաբաղի» հետ։
Խաղի հաշիվը 16-րդ րոպեին բացեց անգլիական թիմի հարձակվող Էստևաոնը։ «Քարաբաղը» կարողացավ առաջ անցնել Լեանդրո Անդրադեի և Մարկո Յանկովիչի գոլերի շնորհիվ, սակայն 53-րդ րոպեին Ալեխանդրո Գառնաչոն վերականգնեց հավասարությունը։
Այս ոչ-ոքիից հետո թե՛ «Չելսին», թե՛ «Քարաբաղը» վաստակել են 7-ական միավոր և ընդհանուր մրցաշարային աղյուսակում զբաղեցնում են համապատասխանաբար 10-րդ և 12-րդ տեղերը։
Նույն տուրում Կիպրոսի «Պաֆոս» ակումբը սեփական հարկի տակ 1։0 հաշվով սենսացիոն հաղթանակ տարավ իսպանական «Վիլյառեալի» նկատմամբ։
Այս հաղթանակը պատմական էր, քանի որ այն դարձավ «Պաֆոսի» առաջին հաղթանակը Չեմպիոնների լիգայի պատմության մեջ։ Միակ գոլի հեղինակը 47-րդ րոպեին դարձավ պաշտպան Դերիկ Լյուքասենը։
«Պաֆոսը» 4 խաղից հետո ունի 5 միավոր և գտնվում է 19-րդ հորիզոնականում։ «Վիլյառեալը» ընդամենը 1 միավորով զբաղեցնում է 32-րդ տեղը։
