Իտալական «Նապոլիի» կիսապաշտպան Քեյվին դե Բրեյնեն վիրահատվել է։ Այն անցել է բարեհաջող։ 34-ամյա մարզիկը ինքն է պատմել այդ մասին։ Նա վնասվածք էր ստացել «Ա Սերիայի» 8-րդ տուրում «Ինտերի» հետ հանդիպման ժամանակ (3:1)։ Վնասվածքը եղել է ազդրի մկանների հետ կապված։
«Բարեւ բոլորին։ Ինչպես գիտեք, ես ինչ որ ժամանակով դուրս եմ եկել խաղային վիճակից։ Լավ նորություն ունեմ։ Վիրահատությունս հիանալի է անցել։ Իմ վերադարձն արդեն սկսվել է։ Շնորհակալ եմ բոլոր նամակների եւ հաղորդագրությունների համար»,- գրել է դե Բրեյնեն՝ սոցկայքի իր էջում։ Բելգիացի մարզիկը իտալական ակումբի կազմում այս սեզոնին մասնակցել է 11 հանդիպման։ Խփել է 4 գոլ, կատարել երկու արդյունավետ փոխանցում։
