«Մեծ սաղավարտի» 24-ակի հաղթող Նովակ Ջոկովիչը հաստատել է, որ տեղափոխվել է բնակության Հունաստան և տուն է վարձել Գլիֆադա քաղաքում, գրում է SDNA-ն:
«Մենք ունենք երկու փոքր երեխա, փորձում ենք հարմարվել և նրանց համար գտնել լավագույն միջավայրը։ Մեզ համար առաջնահերթություն է, որ երեխաները մեծանան առավելագույնս բարենպաստ պայմաններում իրենց հոգեբանական, ֆիզիկական և էմոցիոնալ առողջության համար։ Կարևոր է բնակվել միջավայրում, որտեղ ավելի շատ ժամանակ ունենք ընտանիքի և անձնական կյանքի համար։
Երկու ամիս է ընտանիքով փորձում ենք բնակվել Հունաստանում, ամեն ինչ շատ դրական է։ Մենք զգում ենք, որ մեզ ընդունում են։ Մարդիկ շատ բարի են, առատաձեռն և բարյացակամ մեր նկատմամբ», – ասել է Ջոկովիչը:
