«Երեխան երեկ հայաթն է եղել, հայաթից դուրս է եկել ու մինչև հիմա չկա։ Եղբոր, որ չի խոսում, նրա հետ է եղել»։ Այս մասին լրագրողների հետ զրույցում ասել է Ծափաթաղ համայնքի բնակիչ՝ 3-ամյա Տիգրան Օգանեսովի ընտանիքի հարևանը։Նա նշել է, որ երեխաների հետ այլ մարդ չի եղել, միայն երկուսով են եղել։
«Մեր տների տարածքում են խաղում, ուրիշ տեղ չկա գնալու, երեկ իջել են մեր բոստանների ներքևը ու երեխան անհետացել է»,– պատել է հարևանը։
Տղամարդը հաստատել է, որ երեկ երեխայի մոր ծնունդն է եղել։ Նրա խոսքով՝ մայրը շուտ է տուն եկել՝ տարեդարձը նշելու, տեսել է, որ Տիգրանը չկա։Հիշեցնենք՝ երեկ, հոկտեմբերի 27-ին, հայտնել էինք, որ Գեղարքունիքի մարզի Ծափաթաղ համայնքի բնակիչ՝ 3-ամյա Տիգրան Օգանեսովը, դեռևս անհասկանալի պայմաններում, կորել է։
