Ձերբակալվածների թվում են նաև երկու անչափահասներ։ Այսօր Քննչական կոմիտեն հայտնել էր, որ ընդհանուր առմամբ ձերբակալվել է 33 քաղաքացի, որոնց շարքում կան նաև համայնքային կոմունալ ծառայության աշխատակիցներ։ Հիշեցնենք, որ նախօրեին կաշառք ստանալու մեջ մեղադրվող Գյումրիի քաղաքապետ Վարդան Ղուկասյանը Հակակոռուպցիոն դատարանի որոշմամբ կալանավորվեց երկու ամսով։
Դատարանը խափանման միջոցի հարցը քննել է ողջ գիշեր, որոշումն ընդունվել է առավոտյան։ Ղուկասյանի լիազորությունները ժամանակավորապես կասեցվել են։ Նույն գործով մեկ ամսվա կալանք է տրվել նաև քաղաքի գլխավոր ճարտարապետ Հենրիկ Գասպարյանին։ Քաղաքացիները, ովքեր փորձել են պաշտպանել իրենց ընտրած քաղաքապետին, այժմ կանգնած են քրեական հետապնդման վտանգի առջև։
Գյումրեցիների խոսքով` կալանքի որոշումներով իշխանությունները փորձում են վախեցնել մյուսներին և կանխել հնարավոր հետագա դիմադրությունները Գյումրիում։
