«Ժողովուրդ» օրաթերթը գրում է.
««Ժողովուրդ» օրաթերթը տեղեկացրել է, որ Հայաստանի կաթնամթերքի շուկան վերջին ամիսներին բախվել է մտահոգիչ միտումի. Իրանից մեծ քանակությամբ սերուցք է ներմուծվում, որի ծագումն ու որակը հստակ վերահսկողության չեն ենթարկվում։ Ներմուծվող հումքը օգտագործվում է տարբեր կաթնամթերքի՝ կարագի, թթվասերի, պաղպաղակի եւ կաթնաշոռի արտադրության համար՝ «տեղական արտադրության» պիտակով։
Պետական եկամուտների կոմիտեն «Ժողովուրդ»-ին հայտնել է, որ 2024 թ. հունվարի 1-ից մինչեւ 2025 թ. օգոստոսի 1-ը Հայաստան է ներմուծվել շուրջ 1472 տոննա սերուցք, ընդհանուր 1.5 մլրդ դրամ արժողությամբ։Միայն 2025 թ. առաջին 7 ամիսներին ներմուծվել է 823.5 տոննա, որի արժեքը գերազանցել է 1.68 մլրդ դրամը։
Ներմուծում իրականացրած ընկերությունների թվում են՝«Պրոգրես Ս.Ս», «ՄԻԼԼԿԱԹ», «Դուստր Մարիաննա», «Ստեպպրոգրես», «Թամարա», «Միլք ափ պլյուս», «Խաք», «ԱԱ ՏՐԱՆԶԻՏ» ՍՊԸ-ները։ Մասնագետների մտահոգությունը«Առողջության իրավունք» ՀԿ-ի նախագահ Անուշ Պողոսյանը անդրադարձել է խնդրին՝ նշելով, որ առողջապահության նախարարությունը պարտավոր է արձագանքել, քանի որ հարցը միայն տնտեսական չէ, այլեւ առողջապահական։
Նրա խոսքով՝ առանց պատշաճ լաբորատոր վերահսկողության ներմուծվող սերուցքը կարող է առաջացնել մի շարք վտանգներ՝• մանրէաբանական՝ սննդային թունավորումներ, աղիքային վարակներ,• քիմիական՝ ալերգիկ ռեակցիաներ, լյարդի եւ երիկամների ախտահարումներ,• ինչպես նաեւ սննդային արժեքի կորուստ, քանի որ սառեցված կամ վերամշակված հումքը կորցնում է սպիտակուցներն ու վիտամինները։
Պողոսյանը հիշեցնում է, որ Ռուսաստանում վերահսկիչ մարմինները արդեն սահմանափակել են իրանական կաթնամթերքի շրջանառությունը, իսկ Հայաստանում նման քայլեր դեռ չեն արվել»։
Մանրամասները՝ «Ժողովուրդ» օրաթերթի այսօրվա համարում:
