Կուբան միանում է BRICS դաշինքին՝ որպես գործընկեր պետություն՝ ավելի արդար և ժողովրդավարական աշխարհակարգ կառուցելու ակնկալիքով, հայտարարել է Կարիբյան ավազանի երկրի նախագահ Միգել Դիաս-Կանելը։
«Կուբան պատիվ ունի միանալ BRICS-ին որպես գործընկեր երկիր: Սա մեծ հույս է հարավի երկրների համար, որոնք դժվարին ճանապարհին են դեպի ավելի արդար, ժողովրդավարական և կայուն միջազգային կարգ»,- գրել է նախագահը X-ի իր բլոգում:
Ավելի վաղ ՌԴ նախագահ Վլադիմիր Պուտինը հայտարարել էր, որ BRICS-ի անդամները Կազանում կայացած գագաթնաժողովում համաձայնեցրել են ասոցիացիայի գործընկեր պետությունների ցուցակը։ Բոլիվիայի առաջնորդ Լուիս Արսեն ասել է, որ իր երկիրը նույնպես ստացել է այս կարգավիճակը։
