Պարզվում է՝ Macan-ը (իսկական անունը՝ Անդրեյ Կոսոլապով) կտրուկ փոխել է իր ծրագրերը և չի ներկայացել զինկոմիսարիատի հավաքակայան՝ բանակում ծառայելու պատրաստակամության մասին հայտարարություններից հետո։ Այս մասին հայտնում է РИА Новости-ն։ Լրագրողները սպասում էին ռեփերին, սակայն նա այդպես էլ չեկավ։ Ինքը՝ ռեփերը, առայժմ որևէ կերպ չի մեկնաբանել տեղի ունեցածը։
Հիշեցնենք, որ վերջերս Macan-ը ծանուցագիր էր ստացել։ Լուրեր էին շրջանառվում, թե նա խուսափում է ծառայությունից և նույնիսկ կարող է քրեական պատասխանատվության ենթարկվել։ Սակայն ռեփերը արագ արձագանքեց և հանդես եկավ կարևոր հայտարարությամբ՝ ասելով, որ ինքը չի խուսափում բանակից, արդեն եղել է զինկոմիսարիատում և պատրաստ է ծառայել։
Ավելի ուշ Կոսոլապովը նույնիսկ չեղարկեց մի քանի համերգներ։ Ենթադրվում էր, որ դա կապված է առաջիկայում բանակ մեկնելու հնարավորության հետ։ Ինչ է սպասվում Macan-ին առայժմ հայտնի չէ։
Թարգմանությունը՝ Euromedia24.com-ի
