Գերմանիայի կանցլեր Ֆրիդրիխ Մերցը խոսել է Եվրոպայի պաշտպանունակության ամրապնդման անհրաժեշտության մասին և պնդել, որ Գերմանիան, Եվրամիությունը (ԵՄ) և ՆԱՏՕ-ն «ոչ մեկի համար սպառնալիք չեն»։
«Այսօր Եվրոպական հանձնաժողովը կներկայացնի մինչև 2030 թվականը նախատեսված ճանապարհային քարտեզ, որը նպատակաուղղված է մեր համատեղ պաշտպանական կարողությունների համակարգված ամրապնդմանը։
Մենք այս «ճանապարհային քարտեզը» կքննարկենք հաջորդ շաբաթ Եվրոպական խորհրդում։ Ակնհայտ է, որ եվրոպացիները պետք է ավելի մեծ պատասխանատվություն կրեն իրենց պաշտպանական կարողությունների համար», - նշել է Մերցը Բունդեսթագում իր կառավարական հայտարարության մեջ՝ հոկտեմբերի 23-24-ը կայանալիք ԵՄ գագաթնաժողովի օրակարգի վերաբերյալ։
Եվրոպան, ասել է նա, «պետք է ավելի սերտորեն համակարգի իր գործողությունները, և գործի ավելի վճռականորեն ու արագ։ Մենք ցանկանում ենք պաշտպանվել եվրոպական ձևով, ուստի պետք է նաև զինվենք եվրոպական ձևով»,-ասել է նա։
