ԱՄՆ-ը չի կարողանա «Տոմահավկ» հրթիռների մեծ խմբաքանակ տեղափոխել Ուկրաինա, եթե մատակարարումները հաստատվեն, The Financial Times-ին (FT) ասել է ԱՄՆ պաշտպանության նախարարության նախկին պաշտոնյա Ջիմ Թաունսենդը։
«Եթե մենք հանձնենք «Տոմահավկը», դա մեծ խմբաքանակ չի լինի», - ասել է նա։
Թաունսենդի խոսքով՝ Պենտագոնի ներսում բանավեճ է ընթանում մատակարարումների ծավալի վերաբերյալ։
FT-ն նշում է, որ Վաշինգտոնն ավելի արագ է սպառում հրթիռները, քան գնում. 2022 թվականից ի վեր գնվել է 202 «Տոմահավկ» հրթիռ, որոնցից առնվազն 124-ը 2024 թվականից ի վեր օգտագործվել են Իրանի և հուսիթների դեմ։ Հրատարակությունը նաև ենթադրում է, որ ԱՄՆ-ն կարող է «Տոմահավկ» հրթիռներ օգտագործել Վենեսուելային հարվածելու համար։
