El País. Եվրահանձնաժողովը ցանկանում է ստեղծել անօդաչու թռչող սարքերի դեմ պայքարի ցանց մինչև 2027 թվականի վերջը։
«Եվրահանձնաժողովը ցանկանում է ստեղծել անօդաչու թռչող սարքերի դեմ պայքարի արդյունավետ ցանց, որը լիովին կգործի մինչև 2027 թվականի վերջը»։ Նշվում է, որ «համակարգը կընդգրկի բոլոր կողմերը»։ Ակնկալվում է, որ Եվրահանձնաժողովը հաջորդ շաբաթ ԵՄ անդամ պետությունների ղեկավարներին կներկայացնի նախագծի իրականացման ճանապարհային քարտեզը։
Համակարգը նաև հաշվի կառնի ԵՄ բոլոր սահմանների համար ընդհանուր անվտանգության հարցերը, ինչպիսիք են «սահմանային անվտանգությունը, միգրացիայի ռազմականացումը, կարևորագույն ենթակառուցվածքների պաշտպանությունը կամ միջազգային կազմակերպված հանցագործությունը», նշվում է փաստաթղթում։
Ավելի վաղ Եվրահանձնաժողովի նախագահ Ուրսուլա ֆոն դեր Լայենը հայտարարել էր, որ Եվրահանձնաժողովը կառաջարկի անհապաղ միջոցներ՝ Եվրոպայի արևելյան թևում «անօդաչու թռչող սարքերի պատ» ստեղծելու համար։ Նա նաև նշել է, որ ԵՄ-ի արձագանքը ԵՄ օդային տարածք ենթադրյալ ներխուժումներին կլինի «վճռական և միասնական»։
