Գազայի հատվածում հակամարտության կարգավորման շրջանակներում ԱՄՆ-ի, Թուրքիայի, Եգիպտոսի և Կատարի առաջնորդների կողմից ստորագրված փաստաթղթի տեքստի շուրջ բանակցությունները շարունակվել են մինչև վերջին րոպեն, ընդ որում՝ Անկարան պնդում է փոփոխություններ կատարելու վրա, հաղորդում է թուրքական կառավարամետ «Հյուրիեթ» թերթը։
Երկուշաբթի օրը ԱՄՆ նախագահ Դոնալդ Թրամփը, Եգիպտոսի նախագահ Աբդել Ֆաթթահ աս-Սիսին, Թուրքիայի նախագահ Ռեջեփ Թայիփ Էրդողանը և Կատարի էմիր շեյխ Թամիմ բին Համադ ալ-Թանին Շարմ էլ Շեյխում կայացած գագաթնաժողովում ստորագրել են Գազայի հատվածի շուրջ հակամարտության խաղաղ կարգավորման վերաբերյալ համապարփակ փաստաթուղթ։
«Գագաթնաժողովում ընդունվեց մտադրությունների մասին հայտարարություն պարունակող փաստաթուղթ։ Տեքստի շուրջ բանակցությունները շարունակվեցին մինչև վերջին 15 րոպեները։ Ժամը 7:00-ին (Մոսկվայի ժամանակով - խմբ.) Թուրքիայի արտաքին գործերի նախարար Հաքան Ֆիդանին տեղեկացվեց, որ տեքստը պատրաստ է։
