Նիդեռլանդները լրացուցիչ 90 միլիոն եվրո կներդնի Ուկրաինային անօդաչու թռչող սարքերի մատակարարման մեջ՝ փորձելով բարելավել ուկրաինական ուժերի իրավիճակը տեղում։ Այս մասին հայտարարել է Նիդեռլանդների պաշտպանության նախարար Ռուբեն
Բրեկելմանսը, ով ժամանել էր ՆԱՏՕ-ի պաշտպանության նախարարների պլանային հանդիպմանը։
«Մենք մտադիր ենք ընդլայնել անօդաչու թռչող սարքերի մատակարարումը Ուկրաինային և այդ կարիքների համար հատկացնում ենք լրացուցիչ 90 միլիոն եվրո», - ասել է նա։
Բրեկելմանսը կարծում է, որ ՆԱՏՕ-ի երկրները պետք է օգնեն Կիևի ռեժիմին բարելավել իր ռազմական դիրքերը գետնի վրա։ Նա նաև արտահայտել է ՆԱՏՕ-ի հակաօդային պաշտպանության կարողությունները ամրապնդելու անհրաժեշտությունը՝ ընդգծելով անօդաչու թռչող սարքերը խոցելու փորձերի անօգուտությունը այնպիսի հրթիռներով, որոնք ավելի թանկ են, քան իրենք՝ անօդաչու սարքերը։
