«Սովորում էի Երգի պետական թատրոնում, Նարեկի հետ այնտեղ եմ ծանոթացել: Այդ ժամանակ մայրս արդեն հիվանդանոցում բուժում էր ստանում: Դասերից հետո, որ Նարեկն ինձ պետք է տուն տաներ, ասում էի՝ «ինձ իջացրու հիվանդանոց, մորս տեսնեմ, հետո ես կգնամ տուն»: Բայց տուն չունեի, ես այդտեղ էլ ապրում էի ու ամեն ինչ անում էի, որ հանկարծ Նարեկը դրա մասին չիմանա: Նոր էինք շփվում իրար հետ, ամաչում էի պատմել:
Նարեկն ինձ առաջին հերթին գրավեց որպես մարդ: Ինձ այս կյանքում ոչ ոք ոչնչով չի կարող զարմացնել՝ ոչ իր ունեցածով, ոչ էլ անունով: Ես մարդուց կարող եմ տպավորվել միայն իր մարդ լինելու համար: Մարդն ինձ կարող է զարմացնել միայն մարդ լինելով, ուրիշ ոչ մի բանով: Նարեկը շատ լավ մարդ է:
Ամենակարևոր բանը, որ մարդ պիտի իր մեջ ունենա, դա խիղճն է: Կարևոր չի երեխա ունենալուց տղա կունենաս, թե աղջիկ, երեխադ պիտի խիղճ ունենա:
Ճիշտ որոշում էր, որ Նարեկն իմ կյանքում պիտի լիներ»,- Մհեր Բաղդասարյանի Tete A Tete հաղորդման շրջանակներում՝ խոսելով ամուսնու՝ Նարեկ Ստամբոլցյանի մասին, պատմել է երգչուհի Տաթև Ասատրյանը:
