Հոկտեմբերի 24-ին Չեչնիայում զինված հարձակում է տեղի ունեցել «Ուրալ» բեռնատարի վրա, որում գտնվել են «Ռոսգվարդիայի» աշխատակիցներ։ Միջադեպը տեղի է ունեցել կեսօրին մոտ Գրոզնիի շրջանի Պետրոպավլովսկայա գյուղում։
Ըստ նախնական տեղեկությունների՝ զոհվել է երեք մարդ։Ռուսական տելեգրամյան ալիքները հայտնում են, որ ենթադրաբար զոհվածների թվում է Դմիտրի Վերեշչենկոն։
Տեղական աղբյուրների համաձայն՝ ավտոշարասյունը շարժվելիս է եղել Չուրթ-Տոգի (Պետրոպավլովսկայա) և Բերկարտ-Յուրտ բնակավայրերի միջև ընկած մայրուղով, երբ կրակ է բացվել նրանց վրա։ Հաղորդվում է, որ հանցագործներին հաջողվել է փախչել դեպքի վայրից։
