Բրազիլիայի նախագահ Լուիս Ինասիո Լուլա դա Սիլվան հեռախոսազրույցի ընթացքում Ռուսաստանի նախագահ Վլադիմիր Պուտինին խնդրել է «որոշ խոսքեր» փոխանցել Վենեսուելայի իր գործընկերոջը։«Բրազիլիայի նախագահը խնդրեց ինձ մի քանի խոսք փոխանցել Վենեսուելայի նախագահին մեր հեռախոսազրույցի ընթացքում»,- ասել է Պուտինը BRICS-ի 16-րդ գագաթնաժողովից հետո կայացած մամուլի ասուլիսում։
«Ես ճանաչում եմ նախագահ Լուլային որպես շատ պարկեշտ, ազնիվ անձնավորության և վստահ եմ, որ նա այս իրավիճակին կմոտենա հենց այդպիսի՝ օբյեկտիվ բնույթի դիրքերից»,- ասել է Պուտինը՝ պատասխանելով BRICS-ին Վենեսուելայի անդամակցության հնարավորության մասին հարցին՝ հաշվի առնելով Բրազիլիայի կողմից սրա նկատմամբ բացասական վերաբերմունքը:Ռուսական պետության ղեկավարը հույս է հայտնել, որ երկու երկրների հարաբերությունները կհարթվեն։
«Ես շատ հուսով եմ, որ Բրազիլիան և Վենեսուելան կկարգավորեն իրենց երկկողմ հարաբերությունները երկկողմանի քննարկման ընթացքում»,-ասել է Պուտինը։
