Սիրիական դատարանը հեռակա կարգով ձերբակալման օրդեր է տվել Սիրիայի նախկին նախագահ Բաշար ալ-Ասադի համար, հաղորդում է SANA գործակալությունը՝ հղում անելով երկրի բարձրագույն դատավորին։
«Ասադի նկատմամբ հեռակա ձերբակալման օրդեր է տրվել՝ 2011 թվականին Դարաայում տեղի ունեցած իրադարձությունների հետ կապված մեղադրանքներով», - գործակալությանը հայտնել է դատավորը։ Նրա խոսքով՝ այս որոշումը «բացում է միջազգային հետապնդման ճանապարհը»։
Սիրիայի նախկին նախագահը մեղադրվում է «կանխամտածված սպանության, մահվան հանգեցրած խոշտանգումների և ազատազրկման մեջ»։ Ձերբակալման օրդերը տրվել է 2011 թվականին Դարաայում տեղի ունեցած իրադարձությունների զոհերի հարազատների կողմից ներկայացված դատական հայցից հետո։
