Նոր Զելանդիան չի ճանաչում Պաղեստին պետությունը՝ Իսրայելի և պաղեստինյան արմատական ՀԱՄԱՍ շարժման միջև շարունակվող ռազմական հակամարտության պատճառով։ Այս մասին հայտարարել է Նոր Զելանդիայի արտաքին գործերի նախարար Ուինսթոն Փիթերսը ՄԱԿ-ի Գլխավոր ասամբլեայի 80-րդ նստաշրջանում իր ելույթի ժամանակ։
Նա ասել է, որ Իսրայելի և Գազայի հատվածը փաստացի կառավարող ՀԱՄԱՍ շարժման միջև շարունակվող ռազմական հակամարտության պայմաններում «Պաղեստինի պետության ապագայի վերաբերյալ չափազանց շատ հարցեր կան, որպեսզի Նոր Զելանդիան այս պահին որևէ հիմնավոր հիմք ունենա այն ճանաչելու համար»։
«Ներկայիս պայմաններում սա կարող է հակառակորդների դիրքորոշումները դարձնել ավելի անհաշտ, բայց մենք կճանաչենք Պաղեստինի պետությունը, երբ ժամանակը գա», - ասել է Փիթերսը։
Միաժամանակ, Նոր Զելանդիայի արտաքին գործերի նախարարության ղեկավարը ընդգծել է, որ Վելինգտոնը մնում է «երկու պետությունների լուծման անսասան կողմնակից և պաղեստինցիների ինքնորոշման իրավունքի պաշտպան»։
