Թուրքիայի իշխանությունները երկրի օդանավակայաններում սպառնալիքի մակարդակը բարձրացրել են «նարնջագույնի»՝ TUSAŞ ավիատիեզերական կորպորացիայի կենտրոնակայանի վրա հարձակումից հետո նոր ահաբեկչությունների սպառնալիքի պատճառով։ Այս մասին հոկտեմբերի 24-ին հայտնել է Hurriyet թերթը: «Անկարայի Քահրամանկազան թաղամասում տեղի ունեցած ահաբեկչությունից հետո Թուրքիայում անվտանգության միջոցառումներն ուժեղացվել են»,- ասվում է հոդվածում։ Մասնավորապես, Ստամբուլի և Սաբիհա Գյոքչենի օդանավակայաններում իրականացվում են տրանսպորտային միջոցների մանրամասն զննում և փաստաթղթերի ստուգում։ Նախօրեին Անկարայում ահաբեկչություն է տեղի ունեցել թուրքական TUSAŞ ավիատիեզերական ընկերության շենքի վրա։ Դեպքի վայրում պայթյուններ ու կրակոցներ են լսվել։
Թուրքական օդանավակայաններում ահաբեկչական սպառնալիքի մակարդակն աճել է
24.10 15:48 |
Կատեգորիա
Համաշխարհային
