«Բիթլջուս»-ի ռեժիսորը և իտալացի դերասանուհին ուրբաթ օրը տարածված համատեղ հայտարարությամբ հաստատել են, որ իրենց երկամյա սիրավեպն ավարտվել է։
«Միմյանց նկատմամբ մեծ հարգանքով և խորը հոգատարությամբ Մոնիկա Բելուչին և Թիմ Բարթոնը որոշել են բաժանվել», - ասվում է հայտարարության մեջ, ըստ AFP-ի։ Զույգն առաջին անգամ հանդիպել է 2006 թվականին, բայց ենթադրվում է, որ նրանք կրկին հանդիպել են 2022 թվականին Ֆրանսիայում կայացած Լյումիեր կինոփառատոնում, իսկ հաջորդ տարի Մոնիկան հայտնել է, որ զույգը միասին է եղել։ «Ի՞նչ կարող եմ ասել... նախևառաջ ուրախ եմ, որ հանդիպեցի այդ տղամարդուն», - ասել է նա Elle France-ին։
