Քաղաքական գիտությունների դոկտոր, պատմաբան Արմեն Այվազյանի ֆեյսբուքյան գրառումը.
Հայերիս համար սրբազան ԱՐԱՐԱՏ անունը խորհրդանշական է և պարտավորեցնող։ Այն մեզանից յուրաքանչյուրից պահանջում է գործ, վերլուծություն և պայքար հանուն Հայաստան հայրենիքի։
Այդ անվան հետ փոքր-ինչ անձնական-աշխատանքային կապ ունեմ նաև ես։ 2006 թ․ հիմնել և ղեկավարել եմ անկախ «ԱՐԱՐԱՏ» ՌԱԶՄԱՎԱՐԱԳԻՏԱԿԱՆ ԿԵՆՏՐՈՆԸ։ Մեծածավալ աշխատանքներ կատարվեցին հատկապես 2006-2010 թվականներին։ Կենտրոնի նոր ուղղություններ բացող ուսումնասիրությունները, բազմաթիվ հրատարակությունները և միջոցառումները ընդգրկում էին Հայաստանի անվտանգությանն առնչվող այնպիսի լայն ոլորտներ, ինչպիսիք են՝
• Հայ-թուրքական և հայ-ադրբեջանական փոխկապակցված հակամարտությունները
• Արցախի հիմնախնդիրը
• Ջավախքի հայության խնդիրները
• Մեր երկրի և ազգի դեմ մղվող տեղեկատվական պատերազմը
• Ռազմավարական ու ռազմական վերլուծաբանությունը
• Հայոց ինքնության հարցերը
• Հայաստանի ռազմական պատմությունը
• Հայոց ցեղասպանության արդեն Հայաստանում կատարվող ժխտման դեմ իրավական դատավարության նախաձեռնությունը
• Արտասահմանյան մամուլի խոր և ցայսօր նմանակը չունեցող տեսությունը
• Հարակից բազմաթիվ այլ կարևոր թեմաներ։ Հետագայում աշխատանքները սառեցվեցին՝ անհատ մեկենասներից ստացվող ֆինանսական միջոցների սպառվելու պատճառով։ Իսկ պետական աջակցություն, ինչպես միշտ, չկար։ «Արարատ» ռազմավարագիտական կենտրոնի վերլուծական նյութերի բաժնին կարող եք ծանոթանալ հետևյալ հղումներով՝ (հայերեն) https://www.ararat-center.org/index.php?p=22&l=arm (ռուսերեն) https://www.ararat-center.org/index.php?p=22&l=rus (անգլերեն) https://www.ararat-center.org/index.php?p=22&l=rus Հրատարակություններն այստեղ են՝ https://www.ararat-center.org/index.php?p=3&l=arm Արտասահմանյան մամուլի տեսությունը՝ https://artmamul.ararat-center.org/ «Արարատ» անունը պատահական չէի ընտրել ռազմավարական ուսումնասիրությունների կենտրոնի համար։
Արձանագրում եմ իմ համոզմունքը․ եթե Հայաստանը երբևէ իսկապես կայանա որպես ազգային պետություն՝ կլինի դա մեր կյանքի օրոք թե հետո, ապա այստեղ՝ ճիշտ նույն անվամբ և ուղղությամբ, գործելու է նույնատիպ գիտահետազոտական խոշոր հաստատություն։ Բայց այն արդեն չի ապավինի մեկենասների քմահաճույքին, այլ կգործի պետական հովանու ներքո՝ ծառայելով բացառապես մեր ազգային շահերին։
