Բրազիլիայի նախագահ Լուիս Ինասիո Լուլա դա Սիլվան հայտարարել է, որ ԱՄՆ նախագահ Դոնալդ Թրամփը պետք է դադարի իրեն համարել «աշխարհի կայսր» և քաղաքակիրթ երկխոսություն սկսի այլ երկրների հետ։
«Ես հարաբերություններ չունեմ Թրամփի հետ, քանի որ երբ Թրամփն առաջին անգամ ընտրվեց, ես նախագահ չէի։ Նա հարաբերություններ ունի Բրազիլիայի՝ 2019-2022 թվականների նախագահ Բոլսոնարոյի հետ, այլ ոչ թե Բրազիլիայի», – ասել է նա BBC-ի բրիտանական հեռարձակման կորպորացիային տված հարցազրույցում։Լուլա դա Սիլվան նշել է, որ ինքը «երբեք չի փորձել զանգահարել» Թրամփին և քննարկել նրա հետ ԱՄՆ մաքսատուրքերը, քանի որ «երբեք չի ցանկացել խոսել»։
Միաժամանակ, բրազիլացի առաջնորդը ընդգծել է, որ պատրաստ է «ողջունել նրան», երբ հաջորդ շաբաթ Նյու Յորքում ՄԱԿ-ի Գլխավոր ասամբլեայի նստաշրջանի շրջանակներում հանդիպի Սպիտակ տան ղեկավարի հետ, սակայն հավելել է, որ Թրամփը չպետք է իրեն համարի «աշխարհի կայսր»։
