Դերասան Ռայան Ռեյնոլդսը լուսանկարել է իր կնոջը՝ Բլեյք Լայվլիին, լողազգեստով։ Աստղը բիկինիով կեցվածք է ընդունել ամուսնու համար զբոսանավի վրա և լուսանկարը հրապարակել է Instagram-ում։ Արտիստուհին նշել է, որ հենց իր ամուսինն է արել այս լուսանկարը։
Ամռանը զույգի բաժանման մասին կրկին կասկածներ առաջացան։ Ռեյնոլդսը երկար ժամանակ անց առաջին անգամ հրապարակայնորեն չշնորհավորեց կնոջը ծննդյան օրը։ Բացի այդ, դերասանը սոցիալական ցանցերից հեռացրել էր մի քանի համատեղ լուսանկար։ Երկրպագուները համոզված են, որ Ռեյնոլդսի և Լայվլիի հարաբերությունները սրվել են Լայվլիի շուրջ ստեղծված սկանդալների ֆոնին։
Ռեյնոլդսն ու Լայվլին ծանոթացել են «Կանաչ լամպ» ֆիլմի նկարահանումների ժամանակ՝ 2010 թվականին, իսկ երկու տարի անց ամուսնացել։ Զույգն ունի չորս երեխա՝ իննամյա Ջեյմսը, ութնամյա Ինեսը, հինգամյա Բեթին և երկու տարեկան Օլին։
Դերասանները դուստրերին ու որդուն մեծացնում են առանց դայակների օգնության։ Զույգը հարցազրույցներում նշել է, որ ընտանիքը իրենց համար միշտ առաջին տեղում է, այդ պատճառով ամբողջ ազատ ժամանակը նվիրում են երեխաներին։ Երբ Ռեյնոլդսն ու Լայվլին միասին մասնակցում են հասարակական միջոցառումների, նրանց փոխարինում են բարեկամները։
Թարգմանությունը՝ Euromedia24.com-ի
