Սան Ֆրանցիսկոյի (Կալիֆոռնիա) ատենակալների դատարանը որոշում է կայացրել, որ ամերիկյան Google կորպորացիան պետք է վճարի 425.7 միլիոն դոլար խմբային հայցի շրջանակներում, որը մեղադրվում է օգտատերերի անձնական տվյալների պաշտպանության իրավունքների խախտման մեջ, չորեքշաբթի օրը հաղորդել է Bloomberg-ը։
Դատական հայցը ներկայացվել է 2020 թվականին: Մեղադրանքի կողմի պնդմամբ՝ 2016 թվականից սկսած՝ Google-ը հավաքել է օգտատերերի տվյալներ երրորդ կողմի հավելվածներից, նույնիսկ եթե սարքի կարգավորումներում անջատված է եղել «Վեբ և հավելվածների գործունեություն» տարբերակը:
Դատարանը կորպորացիային մեղավոր ճանաչեց օգտատերերի անձնական տվյալների գաղտնիությունը խախտելու մեջ, սակայն մերժեց «Համակարգչային խարդախության և չարաշահման մասին» օրենքի խախտման մեղադրանքները: Դատարանը օգտատերերին պատճառված վնասը գնահատեց 425.7 միլիոն դոլար:
Դա շատ ավելի քիչ է, քան հայցվորների պահանջած 31 միլիարդ դոլարը, բայց դա անձնական կյանքի անձեռնմխելիության գործերով երբևէ տրված ամենամեծ փոխհատուցումներից մեկն է։
