Շանհայի համագործակցության կազմակերպությունը (ՇՀԿ) Տյանցզինում կայանալիք գագաթնաժողովից հետո կարող է հայտարարել նոր դիտորդ երկրների և երկխոսության գործընկերների ընդունման մասին, «ՌԻԱ Նովոստի»-ին տված հարցազրույցում հայտարարել է կազմակերպության գլխավոր քարտուղար Նուրլան Երմեկբաևը։
«Ես կխուսափեմ հայտարարելուց այն երկրների մասին, որոնք դիմել են դիտորդի կամ երկխոսության գործընկերոջ կարգավիճակ ստանալու համար։ Նշեմ, որ այդ դիմումները քննարկվում են անդամ պետությունների կողմից, և կայացված որոշումները կհրապարակվեն գագաթնաժողովից հետո», - ասել է Երմեկբաևը։
Նա ընդգծել է, որ ընդլայնումը ՇՀԿ-ի՝ որպես միջտարածաշրջանային միավորման, զարգացման տրամաբանական գործընթաց է, բայց ինքնանպատակ չէ։
Շանհայի համագործակցության կազմակերպության գագաթնաժողովը տեղի կունենա Չինաստանի Տյանցզին քաղաքում օգոստոսի 31-ից սեպտեմբերի 1-ը։
