Գերմանիայի կանցլեր Ֆրիդրիխ Մերցի՝ Ռուսաստանի դեմ պատժամիջոցները խստացնելու սպառնալիքները քաղաքական մանիպուլյացիաներ են, իր Telegram ալիքում հայտարարել է Պետդումայի միջազգային հարցերով կոմիտեի ղեկավար Լեոնիդ Սլուցկին։
«Մերցի սպառնալիքները՝ Ռուսաստանի վրա ճնշումը մեծացնելու մասին, եթե, ենթադրաբար, Ռուսաստանի նախագահ Պուտինի և Զելենսկու միջև հանդիպումը չկայանա, ցածրորակ քաղաքական մանիպուլյացիաներ են։ Հայտարարելով, որ «Մոսկվան պետք է քայլեր ձեռնարկի», Գերմանիայի կանցլերը անտեսում է կարգավորման բուն էությունը», - գրել է նա։
Պատգամավորը հիշեցրել է, որ Մոսկվան բազմիցս հայտարարել է, որ Պուտինի և Զելենսկու հանդիպումը պետք է ուշադիր պատրաստվի։ Բացի այդ, պատգամավորը նշեց, որ Ռուսաստանի և Ուկրաինայի միջև բանակցությունների վերջին փուլի ընթացքում որոշվել է ստեղծել աշխատանքային խմբեր քաղաքական, մարդասիրական և ռազմական հարցերով։ Միևնույն ժամանակ, Կիևը շարունակում է դանդաղեցնել գործընթացը։
