Գերմանիայի կանցլեր Ֆրիդրիխ Մերցը հայտարարել է, որ արևմտյան երկրները պատրաստ են ուժեղացնել Ռուսաստանի նկատմամբ պատժամիջոցների ճնշումը, եթե Ռուսաստանի նախագահ Վլադիմիր Պուտինի և Վլադիմիր Զելենսկու միջև հանդիպումը չկայանա։
Բեռլինում Կանադայի վարչապետ Մարկ Քարնիի հետ համատեղ մամուլի ասուլիսում նա կարծիք է հայտնել, որ «հիմա Մոսկվայի հերթն է»։
«Եթե ռուսական կողմից նման քայլ չհետևի, ապա անհրաժեշտ կլինի ուժեղացնել ճնշումը», - պնդել է Մերցը։ «Նման դեպքի համար մենք՝ Եվրամիությունում, աշխատում ենք նոր պատժամիջոցների վրա։ Ամերիկայի նախագահ Դոնալդ Թրամփը, իր հերթին, չի բացառել նոր պատժիչ մաքսատուրքերը», - ասել է կանցլերը։
Մերցը նաև հիշեցրել է, որ Թրամփը «առաջարկել է այդ դեպքում եռակողմ բանակցություններ անցկացնել, այսինքն՝ բանակցություններ իր, Պուտինի և Զելենսկու միջև»։ «Դա այդ դեպքում կլիներ տրամաբանական հաջորդ քայլը», - կարծում է կանցլերը։
