Ուկրաինայի արտաքին գործերի նախարար Անդրեյ Սիբիգան հայտարարել է, որ Կիևը պատրաստ է բանակցություններ վարել ցանկացած երկրի ղեկավարների մակարդակով։
«Ես հաստատել եմ Ուկրաինայի պատրաստակամությունը՝ հետագա քայլեր ձեռնարկելու խաղաղության ուղղությամբ։ Մենք պատրաստ ենք հանդիպումների առաջնորդների մակարդակով՝ ցանկացած ձևաչափով և աշխարհագրական դիրքով», - գրել է նա X-ում՝ եվրոպական արտաքին գործերի նախարարությունների ղեկավարների և ԱՄՆ պետքարտուղար Մարկո Ռուբիոյի հետ հեռախոսազրույցից հետո։
Օգոստոսի 15-ին Ալյասկայի Էլմենդորֆ-Ռիչարդսոն ռազմաբազայում տեղի ունեցավ Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպումը։ Բանակցություններից հետո մամուլի համար արված հայտարարության մեջ Պուտինը նշել է, որ գագաթնաժողովի գլխավոր թեման ուկրաինական հակամարտության կարգավորումն է։
Օգոստոսի 18-ին Թրամփը Վաշինգտոնում հանդիպում ունեցավ Վլադիմիր Զելենսկու և եվրոպացի առաջնորդների հետ։ Ամերիկացի առաջնորդը նաև զանգահարել է Պուտինին։ Ռուսաստանի նախագահի օգնական Յուրի Ուշակովի խոսքով՝ Պուտինը և Թրամփը աջակցություն են հայտնել Մոսկվայի և Կիևի միջև ուղիղ խորհրդակցությունների շարունակմանը, այդ թվում՝ դրանց մակարդակը բարձրացնելու գաղափարին։
