Euromedia24-ի տեղեկություններով՝ արտերկրում համատեղ բիզնես ծրագիր իրականացնող հայ գործարարների մեջ առաջացել է մի իրավիճակ, երբ մի գործընկերը, սկսել է անազնիվ վարվել մյուս գործընկերոջ հանդեպ, երբ բիզնեսը սկսել է աճել։ Մեր աղբյուրների փոխանցմամբ՝ գործարար Արման Հարությունյանը, որն Ուզբեկստանում ներկայացնում է Cole Haan և Levi's աշխարհահռչակ բրենդները, մտադիր է ընդլայնել բիզնեսը և նոր խոշոր բրենդ ներկայացնել Ուզբեկստանում, խոսքը աշխարհահռչակ Puma սպորտային բրենդի մասին է։
Մեր տեղեկություններով՝ նոր բրենդի հետ կապված՝ Արման Հարությունյանն իր մյուս գործընկերոջ նկատմամբ սկսել է անարդարացի քայլեր անել՝ հրաժարվել նախկին բանավոր պայմանավորվածություններից։Մասնավորապես, մասնաբաժնի պայմանավորված փոփոխությունը միակողմանի չեղարկել է, չնայած մյուս գործընկերը կատարել է մասնաբաժնի փոփոխության պայմանները։ Թեմայի վերաբերյալ մեկնաբանություն ստանալու համար դիմեցինք գործարար Արման Հարությունյանին, որն, ըստ էության, չհերքեց տեղեկությունը, այլ խուսափեց մեկնաբանություն տալ․ «Ես մեկնաբանություն չունեմ, քանի որ գտնում եմ, որ դա գործընկերների միջև որոշելու հարց է, իսկ եթե կոնֆլիկտ կա, դրա համար կան համապատասխան մարմիններ՝ դատարան, կանոնադրություն կա, իրավաբաններ կան, հիմա գանք լրատվական հարթակում շարունակենք։
Ի դեպ, որ մի հատ էլ ասում եք՝ եթե չեք մեկնաբանում, նշանակում է՝ չեք էլ հերքում կոնֆլիկտի մասին տեղեկությունը, չկա նման բան, ես պարզապես չեմ ուզում մեկնաբանել»,- ասաց Հարությունյանը։ Նշենք, որ Արման Հարությունյանը հանդիսանում է «ՖՐԻ ՍԹԱՅԼ ԳՐՈՒՊ» ՍՊԸ (https://www.fstylegroup.com/) 90% բաժնետերը, իսկ 10% բաժնեմասը պատկանում է Սոնա Մկրտչյանին։
Ուզբեկստանի ընկերությունը հիմնադրվել է «ՖՐԻ ՍԹԱՅԼ ԳՐՈՒՊ» ՍՊԸ և մեկ այլ գործարարի հետ համատեղ։
Հ․Գ առաջիկայում մենք կրկին կանդրադառնանք գործարարների միջև այս կոնֆլիկտին՝ հավելյալ տեղեկություններ ներկայացնելով դրա վերաբերյալ։
