Իրանի և «եվրոպական եռյակի» (Մեծ Բրիտանիա, Գերմանիա, Ֆրանսիա) ներկայացուցիչների հանդիպումը փոխարտգործնախարարների մակարդակով, որը նախատեսված է օգոստոսի 26-ին, կկայանա Ժնևում, իրանական պատվիրակությունը կգլխավորի Իրանի փոխարտգործնախարար Մաջիդ Թախտ-Ռավանչին, հաղորդում է Tasnim գործակալությունը՝ հղում անելով տեղեկացված աղբյուրին։
Անցյալ շաբաթ Իրանի արտաքին գործերի նախարարությունը հայտնեց, որ Իսլամական Հանրապետության արտաքին գործերի նախարարության ղեկավար Աբբաս Արաղչին Ֆրանսիայից Ժան-Նոել Բարոյի, Գերմանիայից՝ Յոհան Վադեֆուլի, Մեծ Բրիտանիայից՝ Դեյվիդ Լամմիի և եվրոպական դիվանագիտության ղեկավար Կայա Կալլասի հետ հեռախոսազրույցի ընթացքում համաձայնության է եկել փոխարտգործնախարարների մակարդակով հանդիպում անցկացնել օգոստոսի 26-ին, երեքշաբթի օրը։
«Իրանի բանակցությունները ԵՄ-3-ի (Մեծ Բրիտանիա, Գերմանիա, Ֆրանսիա) հետ միջուկային հարցի շուրջ կկայանան վաղը Ժնևում։ Ժնևում ընթացող բանակցություններում իրանական պատվիրակության ղեկավարը Մաջիդ Թախտ-Ռավանչին է», - ասվում է գործակալության հաղորդագրության մեջ։
