Գերմանիայի փոխկանցլեր և ֆինանսների նախարար Լարս Քլինգբեյլը չհայտարարված այցով ժամանել է Կիև, հաղորդում է DPA գործակալությունը։
«Գերմանիայի կանցլերի հետ սերտ համագործակցությամբ ես մտադիր եմ քննարկել, թե ինչպես կարող է Գերմանիան լավագույնս աջակցել Ուկրաինային հնարավոր խաղաղության գործընթացում», - ասել է Քլինգբեյլը։
Անվտանգության երաշխիքների վերաբերյալ փոխկանցլերը նշել է, որ Գերմանիան սերտորեն համակարգում է իր գործողությունները միջազգային մակարդակով։
«Գերմանիան կկատարի իր պարտավորությունները», - ասել է փոխկանցլերը։
Գործակալության տվյալներով՝ Քլինգբեյլը հանդիպումներ կունենա Ուկրաինայի բարձրաստիճան պաշտոնյաների, Վլադիմիր Զելենսկու և քաղաքացիական հասարակության ներկայացուցիչների հետ։
