Ուկրաինան պատրաստ է «իրական հրադադարի» և «նոր անվտանգության ճարտարապետության» ստեղծման, հայտարարել է նախագահ Վլադիմիր Զելենսկին Թրամփի և եվրոպացի առաջնորդների հետ հանդիպումից առաջ։
Ուկրաինայի նախագահը հայտնել է, որ հանդիպել է Ֆինլանդիայի նախագահ Ալեքսանդր Ստուբի, Մեծ Բրիտանիայի և Իտալիայի վարչապետներ Կեյր Ստարմերի և Ջորջիո Մելոնիի, ՆԱՏՕ-ի գլխավոր քարտուղար Մարկ Ռյուտեի և Եվրահանձնաժողովի նախագահ Ուրսուլա ֆոն դեր Լեյենի հետ։ Նրանք «համաձայնեցրել են դիրքորոշումները» ԱՄՆ նախագահ Դոնալդ Թրամփի հետ հանդիպումից առաջ, գրել է Զելենսկին իր Telegram ալիքում։
«Մեր գլխավոր նպատակը հուսալի և երկարատև խաղաղությունն է Ուկրաինայի և ամբողջ Եվրոպայի համար։ Եվ կարևոր է, որ մեր բոլոր հանդիպումների դինամիկան հենց այս արդյունքին հանգեցնի։ Ռուսաստանի վրա ճնշումը պետք է աշխատի, և դա պետք է լինի ընդհանուր ճնշում՝ ԱՄՆ-ի և Եվրոպայի, աշխարհի բոլոր նրանց կողմից, ովքեր հարգում են ապրելու իրավունքը և միջազգային կարգը», - գրել է Ուկրաինայի նախագահը։
