Բրյուսելի ՏԻՄ ընտրությունների արդյունքներով 2 հայ կդառնա ավագանու անդամ

22.10 13:44 | Կատեգորիա Քաղաքական

Բրյուսելում հոկտեմբերի 13-ին կայացած ՏԻՄ ընտրություններին առաջադրված մոտ չորս տասնյակ հայ թեկնածուներից երկուսն ընտրվել են իրենց համայնքի ավագանու անդամ՝ Աննա Հովսեփյանը՝ Ժետում, Տոնի Տարոն Օքմենը՝ Զավենթեմում։ Բրյուսելում «Արմենպրես»-ի թղթակիցը հետ զրույցում Աննա Հովսեփյանը նշել է՝ այս հաղթանակն իր համար շատ իմաստալից է՝ նշանավորում է իր առաջին քաղաքական մանդատի մեկնարկը՝ մի նպատակ, որին նա միշտ ցանկացել է հասնել։

«Այս հաղթանակը ցույց է տալիս այն վստահությունը, որ Ժետի բնակիչները ցուցաբերեցին իմ և նախագծերիս հանդեպ, ինչը մոտիվացիայի հսկայական աղբյուր է: Ես խորապես երախտապարտ եմ նրանց աջակցության համար։ Սա քաղաքապետարանում կոնկրետ փոփոխություններ կատարելու և քաղաքացիների մտահոգություններին արձագանքելու բացառիկ հնարավորություն է: Այս հաղթանակը խրախուսում է ինձ ամրապնդել իմ հավատարմությունը այն արժեքներին, որոնք ես պաշտպանում եմ և ներուժս լիովին ներդնել այս նոր դերում»,-ասել է Աննա Հովսեփյանը։

Քաղաքականություն մտնելուց առաջ Աննա Հովսեփյանը «Ռեֆորմիստական շարժում» կուսակցության համակիրն է եղել. կուսակցությունը լիովին համապատասխանում է նրա համոզմունքներին և Բրյուսելի ավելի լավ ապագայի տեսլականին։

««Ռեֆորմիստական շարժում»-ը պաշտպանում է այնպիսի արժեքներ, որոնք հոգեհարազատ են ինձ․ դրանք են՝ անհատի ազատությունը, հավասար հնարավորությունները և կայուն զարգացումը։ Ես խորապես հավատում եմ նորարարական քաղաքականության խթանման անհրաժեշտությանը, որն արձագանքում է մեր հասարակության ներկա մարտահրավերներին՝ լինեն դրանք շարժունակության, կրթության և այլ ոլորտների խնդիրները, թե անհավասարության դեմ պայքարը:

Այս կուսակցության ներսում իմ հանձնառությունն ինձ թույլ է տալիս կոնկրետ լուծումներ առաջարկել և քաղաքացիներին ներգրավել իրենց քաղաքը զարգացնելու գործում»,-հավելել է Աննա Հովսեփյանը։

Հովսեփյանի ստացած քվեների քանակը երրորդ լավագույն արդյունքն է՝ Բրյուսելի տարածաշրջանի ֆինանսների և բյուջեի նախարար Սվեն Գացի և ավագանու անդամ Ջենիֆեր Ժեսկիերի գրանցած արդյունքներից հետո։ Այս արդյունքը Աննա Հովսեփյանին թույլ է տալիս զբաղեցնել ավագանիում որևէ ոլորտի համար պատասխանատու անձի մանդատ, որը նա ստանձնելու է դեկտեմբերի 1-ին։

Ամենաշատ կարդացվածներ

Հայկ Սարգսյանի հետ փոխկապակցված ընկերությունը պետությունից արտոնություններ է ստացել

19.10 20:52 | Կատեգորիա Քաղաքական

Մեծ Բրիտանիայի վարչապետն իր նստավայրից հանել է Շեքսպիրի դիմանկարը

19.10 19:41 | Կատեգորիա Մտքեր

Բայդեն. «Իսրայելի և Հեզբոլլահի միջև զինադադարի հասնելն ավելի հեշտ է, քան ՀԱՄԱՍ-ի հետ»

19.10 18:32 | Կատեգորիա Մամուլ

Վալերի Ծառուկյանի գեղեցիկ գոլը Նիժնի Նովգորոդը ոչ-ոքի խաղաց Ռոստովի հետ

19.10 19:16 | Կատեգորիա Սպորտ

Հենրիխ Մխիթարյանը` 35 տարեկանից բարձր ամենաթանկ ֆուտբոլիստների տասնյակում

19.10 20:35 | Կատեգորիա Սպորտ

Ռուս ռեփեր Բաստան երկրպագուներին հուզել է կնոջ հետ նոր տեսահոլովակով

19.10 18:46 | Կատեգորիա Աշխարհիկ

Շանթ Խաչատրյանն ու Հայկ Խլոյանը եզրափակչում են

21.10 22:14 | Կատեգորիա Սպորտ

Ե՞րբ կմեկնարկեն դպրոցների ձմեռային արձակուրդները

19.10 23:43 | Կատեգորիա Աշխարհիկ

Կիրանցի բնակիչները աշնանացան չեն արել, շատ քիչ թվով կով են պահում. Ոսկան Սարգսյան

19.10 17:26 | Կատեգորիա Մամուլ

ՈՒՂԻՂ

Լրահոս

17:12

Ապօրինի ձեռնարկատիրական գործունեության հետևանքով պատճառված 15 միլիոն դրամի վնասը վերականգնվել է

17:09

Հութիները հայտարարել են Իսրայելի ռազմաբազայի վրա հիպերձայնային հրթիռային հարձակման մասին

17:02 Կարևոր

Եթե հաջորդ շաբաթ խորհրդարանական ընտրություններ լինեն՝ ո՞ր քաղաքական ուժին կընտրեն քաղաքացիները (տեսանյութ)