Վլադիմիր Զելենսկին ժամանել է Բեռլին, որտեղ նա և Գերմանիայի կանցլեր Ֆրիդրիխ Մերցը կմասնակցեն ԱՄՆ նախագահ Դոնալդ Թրամփի և եվրոպացի առաջնորդների հետ Ալյասկայում կայանալիք ռուս-ամերիկյան գագաթնաժողովի վերաբերյալ քննարկումներին։ Այս մասին հաղորդում է «Օբշչեստվեննոյե. Նովոստի» հեռուստաալիքը։
Ուկրաինայի վերաբերյալ առցանց հանդիպումը նախաձեռնել է Գերմանիայի կանցլերը։ Մերցը նախ նախատեսում է կապ հաստատել Ուկրաինայի ամենամոտ եվրոպական դաշնակիցների հետ՝ Թրամփի հետ հետագա խորհրդակցությունները նախնական քննարկելու համար։
Ակնկալվում է, որ գագաթնաժողովին կմասնակցեն Ֆրանսիայի, Մեծ Բրիտանիայի, Իտալիայի, Լեհաստանի և Ֆինլանդիայի պետությունների և կառավարությունների ղեկավարները, ինչպես նաև Եվրահանձնաժողովի ղեկավար Ուրսուլա ֆոն դեր Լայենը,
Եվրախորհրդի ղեկավար Անտոնիո Կոստան, ՆԱՏՕ-ի գլխավոր քարտուղար Մարկ Ռյուտեն և Վլադիմիր Զելենսկին։
Այնուհետև նախատեսված է Թրամփի և ԱՄՆ փոխնախագահ Ջ.Դ. Վենսի հետ հեռախոսազրույց, որից հետո Գերմանիայի կանցլերը նախատեսում է քննարկել արդյունքները այսպես կոչված կամավորների կոալիցիայի շրջանակներում։
