Եվրոպական երկրների պետությունների և կառավարությունների ղեկավարները կփորձեն մշակել ընդհանուր դիրքորոշում Ուկրաինայի հարցով ԱՄՆ նախագահ Դոնալդ Թրամփի մասնակցությամբ օգոստոսի 13-ին կայանալիք տեսակոնֆերանսների ընթացքում՝ օգոստոսի 15-ին կայանալիք ռուս-ամերիկյան գագաթնաժողովից առաջ, հաղորդում է DPA գործակալությունը։
Գերմանիայի, Ֆինլանդիայի, Ֆրանսիայի, Մեծ Բրիտանիայի, Իտալիայի, Լեհաստանի պետությունների և կառավարությունների ղեկավարները, Եվրահանձնաժողովի նախագահ Ուրսուլա ֆոն դեր Լեյենը, Եվրախորհրդի նախագահ Անտոնիո Կոստան, ՆԱՏՕ-ի գլխավոր քարտուղար Մարկ Ռյուտեն, ինչպես նաև Թրամփը և ԱՄՆ փոխնախագահ Ջ.Դ. Վենսը կմասնակցեն բանակցությունների տարբեր փուլերին։
DPA-ի տվյալներով՝ Վլադիմիր Զելենսկին Բեռլին կժամանի օգոստոսի 13-ին և կմասնակցի նաև տեսակոնֆերանսների։ Գործակալությունը նշում է, որ նրա ժամանումը սպասվում է կեսօրին։
Ուկրաինայի վերաբերյալ առցանց հանդիպումը նախաձեռնել է Գերմանիայի կանցլեր Ֆրիդրիխ Մերցը։
