Իրանի արտաքին գործերի նախարար Աբբաս Արաղչին կոչ է արել Վաշինգտոնի և նրա դաշնակիցների կողմից սահմանված պատժամիջոցները ճանաչել որպես մարդկության դեմ հանցագործություն։
«Ժամանակն է ճանաչել ԱՄՆ-ի և նրա հանցակիցների կողմից կիրառված անմարդկային պատժամիջոցները որպես մարդկության դեմ հանցագործություններ։ Պատժամիջոցների ենթարկված երկրները պետք է համակարգեն իրենց ջանքերը՝ միասնական և կոլեկտիվ արձագանք մշակելու համար», - գրել է Արաղչին X սոցիալական ցանցի իր էջում։
ԱՄՆ ֆինանսների նախարարությունը հուլիսի 31-ին հայտարարեց, որ Թրամփի վարչակազմը մինչ օրս Իրանի նկատմամբ կիրառել է իր ամենամեծ պատժամիջոցների փաթեթը։ Նոր պատժամիջոցները ուղղված են ավելի քան 50 անձանց և կազմակերպությունների, որոնք կապված են Մոհամմադ Հոսեյն Շամխանիի՝ Իրանի գերագույն առաջնորդ Ալի Շամխանիի որդու, Իրանի գերագույն առաջնորդի խորհրդականի հետ։
