Արեւելքի Ասորական Եկեղեցին իր աջակցությունն է հայտնում Մայր Աթոռ Սուրբ Էջմիածնին

27.07.2025 09:28 | Կատեգորիա Հասարակություն

Արեւելքի Ասորական Եկեղեցու կաթողիկոսի գրասենյակը հայտարարությամբ է հանդես եկել՝ ի զորակցություն Հայ Առաքելական Սուրբ Եկեղեցու եւ Ամենայն Հայոց կաթողիկոս Գարեգին Երկրորդի:

«Արեւելքի Ասորական Եկեղեցին խորը մտահոգությամբ է հետեւել վերջին շաբաթների իրադարձություններին Հայաստանում, որոնք առնչվում են Հայ Առաքելական Եկեղեցու Մայր Աթոռ Սուրբ Էջմիածնի բարձրագույն եկեղեցական իշխանությունների դեմ ուղղված համակարգված հակաքարոզչությանն ու հակազդեցություններին՝ Հայաստանի Հանրապետության քաղաքական իշխանությունների եւ իրավապահ մարմինների կողմից:

Որպես քույր արեւելյան եկեղեցի՝ Ասորական Եկեղեցին կիսում է Հայ Առաքելական Եկեղեցու հոգեւորականության, եպիսկոպոսության եւ հավատացյալ ժողովրդի տառապանքն՝ այս վերջին ցավալի զարգացումների առնչությամբ:

Այս անհարիր գործողությունները ներառել են Հայ Առաքելական Եկեղեցու եպիսկոպոսների եւ հոգեւորականների անհիմն կալանավորումները, ինչպես նաեւ զազրելի վիրավորանքների արշավը՝ մեր եղբայր, Նորին Սրբություն Գարեգին Բ Ամենայն Հայոց Կաթողիկոսի դեմ: Եկեղեցիների սրբազան տարածքների ոտնահարումներն ու Էջմիածնի կաթողիկոսական աթոռի եւ բարձրաստիճան հոգեւորականների բարոյական հեղինակության ու վարկանիշի դեմ ուղղված վարկաբեկիչ արշավը քաղաքական իշխանությունների կողմից անկասկած դատապարտելի արարքներ են, որոնք ոտնահարում են ինչպես մարդկային, այնպես էլ բարոյական արժանապատվությունը, եւ լիովին անտեսում Եկեղեցու եւ Պետության տարանջատման սկզբունքը ու կրոնական հավատքի ազատ արտահայտումը:

Հետեւաբար, Արեւելքի Ասորական Եկեղեցու կաթողիկոս–պատրիարք Նորին Սրբություն Մար Ավա Երրորդը, Սուրբ Սինոդի անունից, արտահայտում է մեր եղբայրական ու քրիստոնեական զորակցությունը՝ Նորին Սրբություն Կաթողիկոս Գարեգին Երկրորդին եւ իր բարոյական աջակցությունը հայտնում՝ Մայր Աթոռ Սուրբ Էջմիածնին:

Բացի այդ, մենք ամբողջությամբ սատարում ենք 2025 թվականի հուլիսի 8-ին, Եկեղեցիների Համաշխարհային խորհրդի Գլխավոր քարտուղարի կողմից հրապարակված հայտարարությանը, ինչպես նաեւ բազմաթիվ այլ հայտարարություններին, որոնք հնչեցրել են տարբեր Եկեղեցիների Հայրապետներ ու Կաթողիկոսներ՝ իրենց աջակցությունն արտահայտելով Հայ Առաքելական Եկեղեցուն այս տխուր հարցում:

Մենք աղոթում ենք, որ այս ցավալի պահը՝ հատկապես Սուրբ Էջմիածնում, շուտով լուծում ստանա իմաստությամբ ու խաղաղ ճանապարհով Հայաստանի Հանրապետության պետական պաշտոնյաների կողմից, որպեսզի Եկեղեցին կարողանա անխափան շարունակել իր առաքելությունը՝ քարոզելու մեր Տեր եւ Փրկիչ Հիսուս Քրիստոսի Ավետարանը:

Մենք եւս աղոթում ենք, որպեսզի եղբայրության եւ հարգանքի ոգին կրկին տիրի Հայաստանի հասարակության բոլոր ոլորտներում», – ասված է հայտարարության մեջ:

Ամենաշատ կարդացվածներ

ChatGPT-ն նոր հնարավորություն ունի

24.08.2026 21:06 | Կատեգորիա Ժամանց

Արմավիրի մարզում 4 անչափահաս ծեծի են ենթարկել 13-ամյա տղային՝ նրան պատճառելով մարմնական վնասվածքներ

24.08.2026 20:42 | Կատեգորիա Պատահարներ

Աշխարհի ամենատհաճ երկրներից մեկն է. Թրամփը հանդես է եկել հայտարարությամբ

24.08.2026 20:29 | Կատեգորիա Համաշխարհային

Հայաստանը երբեք չի անդամակցի ԵՄ-ին, բայց կփչացնի հարաբերությունները ՌԴ-ի հետ. Մեդվեդև

24.08.2026 19:48 | Կատեգորիա Համաշխարհային

«Շատ համեստ, խելոք երեխա էր». հարեւանները՝ բանակում սպшնված 22-ամյա Էդգարի մասին (տեսանյութ)

24.08.2026 23:15 | Կատեգորիա Պատահարներ

Ով է Մանե Մխոյանի ամուսինը. դերասանուհու հարսանիքի բացառիկ կադրերն ու հայտնի հյուրերը (Լուսանկարներ)

24.08.2026 23:48 | Կատեգորիա Ժամանց

Զոհեր՝ առանց պատերազմի․ ի՞նչ է կատարվում բանակում․ Սեյրան Օհանյան (տեսանյութ)

24.08.2026 22:30 | Կատեգորիա Քաղաքական

ԹՐԻՓՓ-ի «ճակատագիրն»՝ ԱՄՆ-Իրան պատերազմի ֆոնին․ իրանագետի դիտարկումները (տեսանյութ)

25.08.2026 21:30 | Կատեգորիա Քաղաքական

Նոր մանրամասներ՝ ՀՀ ԶՈՒ-ում տեղի ունեցած հերթական ինքնասպանության դեպքի մասին

24.08.2026 16:18 | Կատեգորիա Պատահարներ

ՈՒՂԻՂ

Լրահոս

12:16

Վեհափառ Հայրապետի և վեց եպիսկոպոսների նկատմամբ կիրառվող մեղադրանքը անօրինական միջամտություն է Եկեղեցու ներքին կյանքին․ Մայր Աթոռ

11:25 Կարևոր