ԱՄՆ կառավարության արդյունավետության բարձրացման դեպարտամենտի (DOGE) առնվազն ութ ավագ աշխատակից ազատման դիմում է ներկայացրել Իլոն Մասկի՝ պետական ծառայությունից հեռանալուց հետո։ Այդ մասին հաղորդել է Politico թերթը՝ հղում անելով իր աղբյուրներին։
Նրանց տեղեկությունների համաձայն՝ DOGE-ը լքել է նաև յոթ ծրագրավորող, որոնցից մի քանիսը հասանելիություն են ունեցել պետական գաղտնիքներին, ևս 3-ը նախատեսում են հեռանալ։
Սպիտակ տան աղբյուրը պարբերականին հայտնել է, որ Մասկի գերատեսչության աշխատակիցներից շատերն ի սկզբանե աշխատանքի են ընդունվել ժամկետային պայմանագրերով: Նա բացատրել է, որ «DOGE-ի ղեկավարությունը երբեք մտադրություն չի ունեցել կարիերա կառուցել պետական ծառայությունում»։
