Նորվեգիան ներկայացրել է ճառագայթային և միջուկային անվտանգության իր առաջին ազգային ռազմավարությունը, որի գլխավոր նպատակը առողջապահության և շրջակա միջավայրի պաշտպանությունն է, հայտնել է կառավարությունը։
«Ես շատ ուրախ եմ, որ մենք ունենք երկրի առաջին ազգային ռազմավարությունը այս ոլորտում: Այն նախատեսված է մեր երկրի առողջապահական պատրաստվածությունն ու անվտանգությունը ամրապնդելու համար», - ասել է առողջապահության և սոցիալական հարցերի նախարար Յան Քրիստիան Վեստրեն, նրա խոսքերը մեջբերվում են մամուլի հաղորդագրության մեջ:
Նորվեգիայի արտաքին գործերի նախարար Էսպեն Բարթ Այդեի խոսքով՝ ճառագայթային և միջուկային անվտանգությունը հատկապես կարևոր է համաշխարհային լարվածության աճի պայմաններում։ Ըստ մամուլի հաղորդագրության՝ ռազմավարությունը մշակվել է 2019 թվականին Ատոմային էներգիայի միջազգային գործակալության (ԱԷՄԳ) կողմից երկրի միջուկային անվտանգության վերանայումից հետո։
«Նոր ազգային ռազմավարության շրջանակներում Նորվեգիան պարտավորվում է պահպանել ճառագայթային պաշտպանության և միջուկային անվտանգության բարձր մակարդակ՝ մարդու առողջությունը և շրջակա միջավայրը ճառագայթման բացասական հետևանքներից պաշտպանելու համար», - նշվում է հրատարակության մեջ։
