50-ամյա ավստրալացի տղամարդը մահացել է հազվագյուտ, անբուժելի վիրուսից՝ չղջիկի խայթոցից մի քանի ամիս անց, հաղորդում է ավստրալիական 7NEWS լրատվական ծառայությունը։
Ինչպես նշում է հրատարակությունը, տղամարդը, որի օրգանիզմում հայտնաբերվել էր ավստրալական չղջիկի վիրուսը, մահացել է Նոր Հարավային Ուելս նահանգի հիվանդանոցներից մեկում հինգշաբթի օրը։ Նա բժշկական օգնության էր դիմել մի քանի ամիս առաջ՝ խայթոցից հետո և այդ ամբողջ ընթացքում պայքարում էր հիվանդության դեմ։
«Չնայած ավստրալական չղջիկների մոտ լիսավիրուսի դեպքերը հազվադեպ են, դրա դեմ արդյունավետ բուժում չկա: Վիրուսը կրող չղջիկները կարող են այն մարդկանց փոխանցել թքի միջոցով՝ կծելիս», - ասել է Նոր Հարավային Ուելսի առողջապահության խոսնակը:
